Ommaviy oferta

2026-yil 14-noyabr tahriri

Ushbu hujjat raqam24 xizmatining (keyingi o'rinlarda — Ijrochi) bulutli CRM tizimidan foydalanish huquqini berish to'g'risidagi ommaviy ofertasidir. Saytda kompaniyani ro'yxatdan o'tkazib, ofertaga rozilik belgisini qo'ygan mijoz (keyingi o'rinlarda — Mijoz) O'zbekiston Respublikasi Fuqarolik kodeksiga muvofiq uning barcha shartlarini qabul qiladi.

1. Shartnoma predmeti

Ijrochi Mijozga raqam24 CRM tizimidan internet orqali obuna asosida foydalanish huquqini beradi: lid va bitim voronkalari, mijozlar bazasi, vazifalar, integratsiyalar, hisobotlar va tanlangan tarifdagi boshqa bo'limlar.

2. Sinov davri

Ro'yxatdan o'tgach Mijoz tizimdan 7 kun bepul foydalanadi. Sinov davri hech qanday majburiyat yuklamaydi. Sinov davrida to'lov qilinsa, qolgan sinov kunlari kuyib ketmaydi — to'langan davr ular tugagandan keyin boshlanadi. Sinov muddati tugashidan 5 kun oldin Mijozga har kuni eslatma yuboriladi; to'lov qilinmasa, sinov muddati tugashi bilan tizimga kirish to'xtatiladi (ma'lumotlar saqlanadi, to'lovdan keyin kirish tiklanadi).

3. Narx va to'lov

• Narx tizimdagi «Obuna va to'lov» bo'limida ko'rsatilgan tarif yoki alohida kelishuv bo'yicha belgilanadi.
• To'lov bir yoki bir necha oy uchun oldindan qilinadi. Obuna joriy to'langan (yoki sinov) muddati tugagan kundan boshlab uzayadi.
• Narx o'zgarishi haqida Ijrochi kamida 30 kun oldin xabar beradi; to'langan davr qayta hisoblanmaydi.

4. Obuna muddati tugaganda

To'langan muddat tugagach tizim yana 3 kun (imtiyozli kunlar) ogohlantirish bilan ishlaydi. Shundan keyin tizim «faqat ko'rish» rejimiga o'tadi: ma'lumotlar saqlanadi, kiruvchi arizalar tushaveradi, lekin to'lovgacha ma'lumotni o'zgartirib bo'lmaydi. Ma'lumotlar obuna tugaganidan keyin kamida 90 kun saqlanadi; Mijoz so'rovi bilan Excel ko'rinishida beriladi.

5. Tomonlarning huquq va majburiyatlari

• Ijrochi tizimning ishlashini, ma'lumotlarning zaxira nusxasini va ish vaqtida «raqam24 yordami» bo'limi orqali texnik yordamni ta'minlaydi.
• Mijoz kiritilayotgan ma'lumotlarning qonuniyligi, xodimlari parollarining maxfiyligi va o'z vaqtida to'lov uchun javob beradi.
• Qonun yoki oferta shartlari buzilganda Ijrochi Mijozni oldindan ogohlantirib, kirishni to'xtatib qo'yishi mumkin.

6. Ma'lumotlar va maxfiylik

Mijoz kiritgan barcha ma'lumotlar Mijozga tegishli. Ijrochi ularni sotmaydi va qonunda nazarda tutilgan hollardan tashqari uchinchi shaxslarga bermaydi. Ma'lumotlar O'zbekistondagi serverlarda saqlanadi. Batafsil — maxfiylik siyosati.

7. Javobgarlik

Tizim «borligicha» taqdim etiladi; Ijrochi uning uzluksiz ishlashi uchun oqilona choralarni ko'radi. Ijrochining umumiy javobgarligi Mijoz oxirgi oy uchun to'lagan summa bilan cheklanadi.

8. Shartnomani bekor qilish

Mijoz istalgan vaqtda foydalanishni to'xtatishi mumkin. Mijoz so'rovi bilan to'langan, lekin foydalanilmagan to'liq oylar uchun pul qaytariladi.

9. Nizolar

Nizolar muzokara yo'li bilan, kelishilmasa — O'zbekiston Respublikasi qonunchiligiga muvofiq sudda hal qilinadi.

10. Ijrochi rekvizitlari

Rekvizitlar so'rov bo'yicha beriladi: info@raqam24.uz.